ကြည့်ကြ !!! ဟောဒါ ...
ငါ့ရဲ့ ချစ်လှစွာသော သေချင်းဆိုးမလေး ဖြစ်ပေရဲ့။
ဘဝက ...
ပေါ့ပေါ့ပါးပါး ခံယူလိုက်ပုံများ ...
မြင်လား !! “သူမ” တစ်ကိုယ်လုံးတောင်မှ
ပါးပြီး ပေါ့နေတဲ့ပုံ၊
(အဲဒီသေချင်းဆိုးမလေးက)
“မျှော်လင့်ချက်” ဆိုတာကိုလည်း အယုံအကြည်မရှိပေဘူး။
နောက်ပြီး ... သူမက
“အရူး” နဲ့ “နတ်ဘုရား” တွေကိုလည်း
အတူတူလို့ သဘောထားတက်သေး ...
အဲဒီ သေချင်းဆိုးမလေးပေါ့ !!!
ဘဝ ဟာ ...
ဝမ်းနှုတ်ဆေး တစ်ခွက်လောက်တောင်မှ
အာမခံချက် မပေးနိုင်ဘူးလို့ယူဆ၊
(အဲဒီ သူမက)
လမ်းမှာ ခဏခဏပြုံးပြတတ်သူတွေကိုလည်း
“အာရုံကြောရောဂါ ရနေတယ်” လို့ လှောင်တက်သူ ...
အဲဒီ သေချင်းဆိုးမလေးပေါ့ !!!
လောကကြီးရဲ့ အယုအယ ခံဘို့ရာ
နေရာတစ်နေရာ ရှာရမှာကို ရှက်တတ်၊
ကြယ်သရဖူတွေ ကြွေကျလာရင်တောင်
ခြေမနဲ့ ညှပ်ပြီး ကောင်းဆောင်းဘို့ကို
ပျင်းရိတတ်သူ ...
အဲဒီ သေချင်းဆိုးမလေးပေါ့ !!!
ဈေးပေါပေါဆက်ဆံမှုတွေကို ရွံရှာ
“မင်္ဂလာ နံနက်ခင်းပါ” လို့နှုတ်ဆက်ခံရတာကို ... မုန်း၊
ကိုယ့်မျက်လုံး ကိုယ်တံခါးပိတ်ပြီး
နေမြင့်တဲ့ အထိအိပ်တတ်သူ...
အဲဒီ သေချင်းဆိုးမလေးပေါ့ !!!
တစ်နေ့ တစ်နေ့ ၂၄ နာရီပြည့်အောင် စောင့်ရတာကို စက်ဆုပ်
ထမင်းနှစ်ခါတောင် စားနေရတာကို
အလုပ်ရှုပ်တယ်လို့ထင်တဲ့သူ ...
အဲဒီ သေချင်းဆိုးမလေးပေါ့ !!!
သူမရဲ့ အင်္ကျီလက်ရှည်အဖျားတွေကိုတောင်
အောင်အောင်မြင်မြင် မခေါက်တင်တတ်
ကြောင်ကလေးတစ်ကောင်ကို အဝတ်ပတ်သလို
ဖိုသီ ဖတ်သီနေထိုင်
(သူမ ကိုယ်တိုင်က ...)
“ဘဝ” ကို ကြယ်သီးအပြည့်တပ်ပြီး ဝတ်ဆင်ရမှာ
ကျဉ်းကျပ်တယ်လို့ ထင်တဲ့သူ။
သူမရဲ့ဘဝမှာ ...
အချစ် ဆိုတာ ဘယ်ရှိနိုင်မလဲ !!
မြို့ထဲက ပလက်ဖောင်းတွေပေါ်မှာ
လမ်းလျှောက်တဲ့ အခါမျိုးတောင်မှ
မျက်နှာချင်းဆိုင်က လာတဲ့သူတွေကိုရှောင် .. ရှောင် ပေးရတာ
(သူမဘက်က) လိုအပ်တာထက် ပိုကျဆုံး
အတ္တတွေ ဘုန်းနိမ့်ကုန်ပြီလို့ ထင်တဲ့မိန်းမ ...
မျက်နှာပေါ် ဆံပင်တွေ ဝဲကျ
အဲဒီ ဖရိုဖရဲမလေးပေါ့ ...
(သူမက ခေါင်းဖြီးရတာကို အလုပ်ပိုလို့ ထင်တယ်)
“ကမ္ဘာမြေ ဆွဲငင်အားရှိမှတော့
ဆံပင်တွေ အောက်ကိုကျနေတာ
ဘာ မကျေနပ်စရာရှိသလဲ” လို့လည်းမေးရဲ့။
အဲဒီ သေချင်းဆိုးမလေးပေါ့ !!!
"နစ်ရှေး" ရဲ့အတွေးအခေါ်ကျမ်းကို ဆွဲဆုတ်
ပလက်ဖောင်းပေါ်က ဖုန်တွေကို
အဲဒီ စက္ကူနဲ့သုတ်ပြီး ထိုင်တဲ့သူ ...။
"ကျွန်မက ...
ဘယ်သူ့ကိုလက်ဆွဲ နှုတ်ဆက်ရမှာလဲ ?
ဒါမှမဟုတ် ... ဘယ်သူ့ကို အမြီးနှံ့ပြရမှာလဲ ? ... " တဲ့၊ ကဲ !!!
အဲဒီ သေချင်းဆိုးမလေးပေါ့ ...
သူမ က စိတ်အလိုမကျရင်လည်း
"ဆဲ" တက်သေးတယ် ...။
အဲဒီ သေချင်းဆိုးမလေးပေါ့ ...
စိတ်ကူးနဲ့ လွမ်းရတာက
တစ်ကမ္ဘာလုံးကို ထမ်းထားရတာထက်
... ပိုလေးတယ်လို့ ယူဆ၊
တစ်စုံတစ်ယောက်ကို သတိရဖို့
ဘယ်တုန်းကမှ မတက်ကြွခဲ့သူ။
အဲဒီ သေချင်းဆိုးမလေးပေါ့ ...
“သိမ်းဆည်းစရာတွေ များလွန်းနေတဲ့ ဘဝမှာ
ကျွန်မက ... ကိုယ့်ကို ကိုယ်တောင်
သိမ်းမထားချင်တဲ့ ကောင် ...” လို့ပြောခဲ့၊
တကယ့် သေချင်းဆိုးမလေးပေါ့ ...
ဟောဒီမှာ မလှုပ်မယှက်ခေါက်ခွေ
အဲသည်လို နေရုံသက်သက်ကလေး နေ နေလိုက်ပုံက
ဘဝကို အဝတ်ရုပ်တစ်ရုပ်လို ယူဆ
တစ်စုံတစ်ဦးက သူမကို ပစ်ချခဲ့တဲ့ အတိုင်းပါပဲ ...။
သူမက လောကကြီးကို ခါးပြီး
အဲဒီ ခါးသီးတဲ့ အရသာကပဲ
သူမကို ပြန်ခါးတယ် ...
နားလည်ပေးလိုက်ပါ ... လောကကြီးရေ ...
"ဘာများ အရေးကြီးလို့လဲ" ဆိုတဲ့ လှောင်ကြည့်နဲ့
ခင်ဗျားကို ရိသဲ့သဲ့ ပြုံးပြနေတဲ့မိန်းမ ...
သူမကတော့ မတောင်းပန်တတ်တာ သေချာတယ်။
နားသာလည်ပေးလိုက်ပါ ... လောကကြီးရေ ...။
ဒါမှမဟုတ် ... သူမကို ခွင့်လွှတ်ပါ ...
လောကကြီးရေ ...
ဒါမှမဟုတ် ... သူမကို ဦးညွတ်ဂုဏ်ပြုပါ ...
ဒါမှမဟုတ် ... သူမကို တစ်ခုခု ပြစ်ဒဏ်ခတ်ပါ ...
ဒါမှမဟုတ် ...
လောကကြီးရေ ... အဲဒီ သေချင်းဆိုးမကို
ပစ်သာချထားလိုက်ပါ ...
“သူမ” ပေါ့ ...
... ... ...
နတ်ဆိုးတစ်ပါးလည်း ဖြစ်၊
ကောင်းကင်တမန်လည်း ဖြစ်၊
(အဲဒီသေချင်းဆိုးမလေး ကိုမှ)
ငါက ...
လည်ပင်းညှစ်သတ်ချင်လောက်အောင်
ချစ်နေမိခဲ့တာပေါ့ကွယ် ...။
4 Aug 
|
Your are currently viewing:
