ငါးတွေဟာ သွေးအေးတယ်၊
              နှုတ်ဆိတ်တယ်။
တိုးတိတ်လွန်းတော့လည်း အဲဒီ ရင်ခုန်သံကို
မင်း ကြားရလိမ့်မယ် မဟုတ်ပေဘူး။

ကြယ်တွေကို ခူးခူးပြီး
မင်းကို ပန်ပေးချင်ခဲ့တာပါ ...
ဒါပေမယ့် ...
              အိပ်မက်တွေက ဖိတ်တစ်ဝက် စင်တစ်ဝက်
              နွေဦးရက်တွေ ရောက်တဲ့အထိတောင်
              မက်ခွင့်မရလိုက်ပါဘူး။
ဆူးတွေများလွန်းတဲ့ ဥယျာဉ်က
ရနံ့ကျတော့ နည်းလွန်းနေခဲ့တယ်။


တစ်နေ့ခင်းလုံး
ကိုယ့်လက်ဖဝါးပေါ် မေးထောက်ပြီး
သစ်သားမီးခြစ်ဆံတွေနဲ့ အိမ်ဆောက်ကြည့်နေခဲ့တယ် ...
              ငါ ဘာကို စားသောက်ခဲ့ပြီးပြီလဲ ???


တစ်ဘဝစာ ...
ခပ်ကြာကြာ ကြည့်ခွင့်ရခဲ့လိုက်ရုံလေးတင်ပါပဲ။
              (သည့်ပြင် ဘာမှမပိုခဲ့ဘူး)

ကောင်မလေးရေ ...
ငါဆိုတဲ့ကောင်က သွေးအေး
ယဉ်ယဉ်ကျေးကျေးလေးပဲ ...
              ... လွမ်းတယ်။

17 Sep 2000